Rendemento deportivo, o peso ante todo? Dieta cetoxénica?

O rendemento deportivo vai moito máis aló do adestramento físico. Todo o que o rodea, o que comes, como te hidratas, o descanso e a xestión do estrés son factores determinantes para alcanzar as túas metas, xa sexas un deportista aficionado ou de alto rendemento.

Non só debemos centrarnos en adestrar con intensidade ou a certo volume, xa que se o resto de factores antes mencionados fallan, a recuperación dos adestramentos será deficiente e o risco de sufrir unha lesión aumentará.

Está moi extendida a práctica de dietas cetoxénicas ou low carb neste ámbito para controlar o peso ou manter un baixo porcentaxe de graxa, o que non fai máis que diminuír o teu rendemento de forma notable.

O que comes é a gasolina do teu organismo. Eu prefiro ir con gasolina 98 que con gasóleo, e ti?

Os hidratos de carbono son o combustible principal do organismo en esforzos de curta duración e intensidade, onde se require aplicar forza. A súa vez, son un pilar fundamental do rendemento, xa que os nosos músculos aliméntanse de glucóxeno. Para obter este glucóxeno, debemos ingerir hidratos de carbono.

As proteínas teñen un papel "plástico" na rexeneración de tecido e na creación de estruturas, especialmente no caso da hipertrofia muscular. Estas deben obtérense a partir de fontes magras de carne, peixe, ovos ou proteína vexetal.

As graxas son un nutriente esencial para o noso sistema hormonal e son o combustible principal durante a realización de actividades de baixa intensidade.

Ademais diso, non debemos esquecernos da hidratarse. Non se trata só de beber auga, senón tamén de dispoñer dos minerais suficientes para as funcións musculares e o descanso reparador. Para iso, a nosa dieta debe ser rica en vexetais, froitas, tubérculos, etc.

Beber auga durante esforzos intensos e prolongados non é suficiente; debemos engadir sales minerais.

Por último, debemos ter en conta que suplementación utilizar. Isto é a punta do iceberg, non debe substituír todo o anterior. Só traballo con suplementos que teñen evidencia científica demostrada, como a creatina, a beta-alanina, ou outros que sexan de interese segundo o deporte.

Se che interesa maximizar o teu rendemento, considera personalizar a túa nutrición comigo para obter os mellores resultados.